14 Sep 2015
#eastmeetwest 陳皮焦糖燉蛋😉 #CremeBrulee 用左50/50的鴨蛋同雞蛋混合而成， 試一口，極重蛋香質感滑如雪糕， 伴以玻璃碎的薄焦糖，不膩少甜！ 細嚐下會有果皮的清香，好喜歡😍 *.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*.* Pinot Duck 赤柱佳美道23赤柱廣場地下G07號舖
14 Sep 2015
我都唔執輸， 去左揾大隻仔😂食雪糕三文治 不過，大隻仔唔喺度，扣三分😭 雪糕我揀左#玫瑰 🌹， 有片片玫瑰花瓣，味道都幾清，但就唔係粉紅色囉😅！玫瑰味呢個星期最後了，唔食就無了!除左夾餅仲可以夾迷你菠蘿包！ 其實都幾大個，會飽的！😣
14 Sep 2015
#鐵觀音 #霜淇淋 🍦 好嬲，一早俾同事激親，😤😤 走左去食雪糕，奶味同茶味同時都幾濃， 所以都唔知誰才是真正的主角了，茶味有回甘， 溶化速度ok,屬於冰感比較高的 $20性價比不錯😊 天仁茗茶 灣仔人民穚底下
05 Sep 2015
天水圍新北江探險😎 👉紫薯手抓餅，估唔到幾脆下，仲有好足料，啲#紫薯 係一塊塊放入去，仲要有薑味㗎， 芋圓口感QQ的，食一個等於一個餅+紫薯糖水， 唔飽就奇啦！所以食唔到其他野lu 😫😫
05 Sep 2015
本年度最hea 豬甜品，上面係包裝嗰啲零食棉花爆炸糖，啲顏色好似痴左麈的毛公仔，好樣衰又唔係好食先大鑊😒😒 Honey Creme 可以black list得，蜂巢有渣，係plain icecream 係合格咋
05 Sep 2015
Newyork Cheese Cake with Icecream 朋友的，我食Oreo Parfait 😂😂 Joyful Dessert House at 旺角白布街
04 Sep 2015
#芒果糯米磁 做 #宵夜 👻👻 今日Daddy 入左 #長洲， 打電話問想食咩，咁我喺長洲地膽，食芒果糯米磁一定“唔食”允記😎，咁我就形容條街俾佢知，點知佢真係買到返嚟😭😭, 好感動呀！唔記得左個名都揾到！我只係記得個櫃咋😊 - 啱啱仲諗住食個杯麵先瞓， 而家食左#皮薄餡靚 的芒果糯米磁， 我可以安心瞓覺啦😂😂 - 呢間叫 #二合甜館 喺大街康蘭餅店（買平安包）隔離，啲糯米磁放喺茶餐廳門口嗰個玻璃櫃！（$10件）
04 Sep 2015
延續小廚中菜風 飯後行左去 @lab_made 食#分子雪糕 🍨， 我揀左#腐竹雞蛋糖水 味， 等左五分鐘左右就到我拎， 又會咁衰，俾我睇到之前嗰個客最上面嗰層sauce 係吱上去嘅，到我嗰時，佢啱啱大樽轉細樽，去到底又轉唔到細樽，就一野淋落去，我睇住佢想淋，叫住唔好淋呀,但佢唔理照倒左落去了！😭😭 我覺得好很樣衰囉，something looks like baby food !叫住都仲要淋！😤嬲到我啤到佢行呀！ - 女店員竟然仲同我講，用美圖秀秀執左先放上網咪一樣！！我想講你又唔食💩，食🍚之後咪又係💩，美圖秀秀下聽日開始唔好食飯啦😒 - 屌！bad list 得！執唔執相使你教嗎？ 之後個男仔應該聞到火藥味，話整過杯俾我！ 咁就算啦，似返個人類😣 - 講返杯雪糕，其實我食過好多次， 我鐘意佢夠清，豆腐味濃， 今次仲可以襯托出我嘅怒火沖天😅😅, 多謝晒
03 Sep 2015
🌞熱到松鼠都想雪糕當飯食🍦！ 我知會肥吖嘛，咁食住#yogurt 先啦！ 呢度的yogurt 唔會好酸，仲有唔算太大杯， 一個人都可以KO😂😂 呢杯仲加左玫瑰花味糖漿，勁香🌹🐝🐝 店入面的餐牌同插畫都係插畫！超童話feel 👼👼 *.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*.* Maple Yogurt 西環皇后大道西409號翠然商場地舖
03 Sep 2015
又嚟 #Cupcake + #Icecream 🍨 今次係荔枝味#雪糕 配 #紅菜頭 Cupcake呀!!😍😍 其實我幾鐘意食紅菜頭，雖然人地話有鐵銹味😂， 我鐘意就得啦，哈哈哈！ 荔枝味雪糕係冰感比較重的，質感似雪葩吧！ 上面仲放左焦糖果仁同#蝴蝶酥！ 細細杯但感覺都幾豐富😜😜
03 Sep 2015
#Oreo #Parfait 😎 很喜歡這間店的#芭菲， 超美的又好吃！😍😍 由上而下放了黑糖啫喱，朱古力雪糕，忌廉, Oreo 餅碎，層層疊地足足10層！ 所以.......都幾飽下㗎！ Redeemed via @sugar_hongkong at $31, Original Price $56 *.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*.*. Joyful Dessert House 旺角黑布街74號藝興大廈地下2及3號舖
