04 Apr 2016

無錯！係 April skin! 係前排好hit嘅april skin!! 心郁郁之後買左返尼。但係我買貴左呀，$135呀面子工房。下次一定要格下價唔好咁衝動😤 我見到兆萬地下格仔鋪$12x仲送 mask 呀😢 我買嘅係21號色（最白）補濕款，無咁遮瑕，佢好方便有鏡。但係呢，我覺得佢有啲顯毛孔，我就少少啦，如果皮膚唔係咁好果幾日。但係我有個買遮瑕款嘅朋友就話好嚴重，佢一定唔會再用喎。不過抵讚嘅係，佢唔會反光得太利害，又幾潤，仲有陣淡淡嘅香味，好香呀~~ #我想返工去shopping #aprilskin #韓妝 #底妝

04 Apr 2016

之前去左旺角試粒粒雪糕呀 果到好似係兆？？ 老喇唔記得喇 不過呢，都要講下食用後感想嘅。 我覺得佢個味唔係好似以前果隻喺機買到嘅粒粒雪糕， 佢偏向果汁味重啲，而以前果隻就奶味重啲。 同埋依隻好似雪得太冰，有啲硬同有啲碎冰粒混左入去。 我個人鐘意以前果隻多啲呀。 不過鐘意果汁雪條咁嘅味嘅朋友可以一試呀！ #粒粒雪糕 #MK #我想返工去shopping