03 Jan 2016
新買左韓國天然化妝品牌April Skin既Magic Snow Cushion,實在驚為天人，佢係一盒遮瑕度極高而且非常水潤既cushion粉底，依排係我既至愛，因為佢真係遮到我面上既豆豆印，雀斑，連黑眼圈都遮到，遮瑕膏都唔洗用。我之前俾左model試用既片俾幾個女仔fd睇，睇完大家都癲左，即晚上網買，超心急想用。用完大家都一致好評。 #aprilskin, #kstylecollection, #magicsnowcushion,#高遮瑕度，#高水潤度
16 Dec 2015
｛回購好物｝曾經係$12蚊店買過依款干濕兩款一包有25塊既puffs之後，覺得好抵用，因為平時係出面買一包基本上都要$30幾蚊，但係依包只需要$12蚊，真係超值之選，不過真係唔係咁易買到，每次經過12蚊店都會特登入去睇下有無得買，每次都係失望而回。上星期終於俾我見到有得買，得返最後兩包，梗係第一時間掃佢地返屋企啦！
11 Dec 2015
＜淘寶好物分享＞👍依個化妝品收納盒我已經用左年幾，一直都好鍾意，因為可以將所有大大細細既化妝品整整齊齊咁分門別類安置好，化妝時亦都可以隨手拎到自己想用既化妝品，真係好得心應手。重點係佢價錢真係親民,所以佢絕對係淘寶好物。👏👍💓
02 Dec 2015
唔知依度有無人鐘意食辣野，我就係一個無辣不歡既人😈😈韓國三養辣雞伴麵係我唯一食過可以滿足我味蕾既辣伴麵，每一次食都會流晒汗，流鼻水無晒儀態，但係佢真係好香，好能夠刺激食慾，就算有時食完之後會肚痛，但都無損我對佢既愛戴。😉😂
01 Dec 2015
最近愛上Anna Sui 1day disposable color contact lenses系列既rose ring,我買左brown color戴上眼相當自然，而且由朝戴到晚都唔會有眼乾同眼攰既問題，所以大力推介俾貪靚既Miss T們🎀👒💄
27 Nov 2015
＜誠意推介＞早前買左Babyliss既big hair黎整理我把又扁又塌，而且每朝起身髮尾都例排向外趬既頭髮。老實講佢真係好易上手，小學雞程度既我都可以係幾分鐘內吹到令頭髮柔順，增加volume之餘仲有埋造型添，真係好幫得我手。＜大愛＞
26 Nov 2015
話說尋晚係FB見到韓國最新熱爆既牽絲拉不斷芝士漢堡後，即刻同男朋友講買package去韓國食，但佢話好凍唔想去，怕自己凍死係仁川機場門口，結果我只好拎返張月頭係KL食既cheese naan extra黎回味下0個鍾牽絲既感覺。
