放工係旺角同朋友補祝生日, 想搵個靜d氣氛好d既地方, 於是有朋友介紹我去旺角好景中心3樓的spark。
一進去發現環境都唔錯,地方頗大,除大廳之外,重有VIP房和露台俾顧客BBQ同搞寵物party,平日帶寵物重有折㖭:)
坐底唔駛10分鐘已經上菜, 先飮個薯蓉忌廉湯先。講真,個餐湯除左咸左少少外,佢煮得一d都唔hea,即使唔連蒜蓉麪包粒或湯渣一齊食都有咬感, 因為d薯蓉磨到好似合桃糊咁滑,所以印象好深刻。

下道係Hoegaarden啤酒煮蜆, 本人唔鐘意啤酒陣味,但好意外佢係明顯調輕左啤酒味來保留蜆既甜味,所以變得好fresh好易入口,聽聞主持人小儀都好評呢道菜架!

接住係凱撒沙律 , 本人覺得個沙律都好唔錯,皆因佢有特製既醬汁,當然唔係一般沙律醬或柚子醋啦,撈埋d生菜同芝士碎麪包粒,簡單配菜已經好味:)

另一道招牌小食水牛雞翼, 表皮酸甜中帶微辣,十分醒胃,食到半飽岩唒,加上雞肉滑溜冇雪味,算唔錯啦。

招牌主菜德國脆皮炸咸手配蘋果醬終於來喇, 一般德國咸豬手都較咸同油膩,但佢地既咸豬手就恰到好處,脂肪位都唔油,且皮脆肉嫩,點埋個蘋果醬,好清新可口架:)

最後一道主菜大西洋香煎銀鱈魚柳配拿破侖汁,係將銀鱈魚配茄汁和薯蓉,銀鱈魚本身味道清甜,皮炸到幾脆,口感已經ok。呢道菜其實好貼心,因為茄汁同薯蓉各佔一半, 等未飽既人可將魚肉點薯蓉;太飽既人又點茄汁消滯,值得推介架。

問左先知原來spark既大廚係外國酒店高薪聘請返來,難怪有返咁上下水準la;服務都唔錯,唔駛叫侍應refill茶水,佢自動會留意客既需要,重好nice :)

Spark 10pm後係酒吧來架,所以大家想搞party或放工同fd閒聊，呢個係一個唔錯既選擇:)

Spark Bar & Restaurant
Facebook：
https://www.facebook.com/SparkBarRestaurant
Openrice：
http://www.openrice.com/restaurant/sr2.htm?shopid=135280&tc=sr1