最近去完日本鳥取縣探老友鬼太郎，佢知我鍾意飲咖啡，於是帶了我去倉吉市的白壁土藏群，那是一條過百年歷史的老街，兩旁都是江戶時代的建築群，外牆一律半截白，屋頂鋪紅瓦，排得整齊，被選為「美麗的日本歷史風景百選」。

這裏有家喫茶店（即café）叫「久樂」，賣獨沽一啡，紅—豆—啡﹗品嚐咖啡前，老闆娘讓我親手磨豆，仲要係用石磨﹗
剛開始轉，因為不適應重量，有點唔就力，當找到竅門後，就很順手，轉吓轉吓，好玩過癮，如果日日咁轉，應該可以收手臂的byebye肉！

但以石磨咖啡豆代替機磨有乜好處？老闆娘話機器磨豆期間會產生熱力，會令部分咖啡香氣流失，石磨則可保留全部香氣，亦能磨出細滑粉末。磨好的咖啡粉，老闆娘會拿去以虹吸的方式烹煮咖啡。咖啡喝起來帶有濃濃的炭燒味，濃而不澀，餘韻深長。

喝這咖啡，有潛規則，不准加糖加奶，但會附上一小碟蜜紅豆，讓你拌入咖啡中，帶來焦甜。

手磨咖啡 500yen
地點：鳥取縣倉吉市新町1丁目2424-2

逢星期四．by N. Chiu
飲食記者出身，工作關係誤入啡途；閒時寓沖啡於娛樂，最撐本地有heart咖啡小店。去年，考取「City & Guilds 國際咖啡調配師資格證書」，夢想開cafe。


***
立即下載Miss Tiara手機程式，一齊分享快樂！
App Store: http://bit.ly/mt_webi
Google Play: http://bit.ly/mt_weba