銅鑼灣希雲道最近開了一間新café叫myoc, 意解「Make Your Own Coffee」。

店子小小，大約只有12個座位，但竟有多達83款咖啡選擇，而menu上的咖啡類別以手繪圖解詳細說明，全部是以espresso做底，伴上不同的配料，如焦糖、蜜糖、雪糕、雪條、朱古力蛋糕、爆谷、爆炸煻等等，對有選擇困難的我來說，絶對會揀到頭都痛！

小店還有一gimmick，在平日下午的非凡繁忙時段，都可讓客人DIY沖espresso，且備有三款咖啡豆選擇，巴西拼墨西哥、秘魯及The New Age拼配豆，有得揀，先至係老闆﹗

終於，我點了一杯Golden Bird Cage，店員說靈感源自越南咖啡，咖啡加冰，配以自家製煉奶的雪糕及雀籠形狀的焦糖，創意滿分，略嫌甜了些。

這裏亦主打多款pancake甜品，招牌作是紫番薯味pancake，最受愛紫的女生歡迎。如其說這是一家咖啡店，我認為，更像一間甜品店。

逢星期四．by N. Chiu
飲食記者出身，工作關係誤入啡途；閒時寓沖啡於娛樂，最撐本地有heart咖啡小店。去年，考取「City & Guilds 國際咖啡調配師資格證書」，夢想開cafe。


立即下載Miss Tiara手機程式，一齊分享快樂！
App Store: http://bit.ly/mt_webi
Google Play: http://bit.ly/mt_weba