別讓賤男的記憶打擾今夜的美好！思緒回到現在，還是專心跟Roger好好享用晚餐，往後如何？都是老話，睇睇有冇feel！
剛在餐廳坐下，未及點菜，電話鈴聲響起，拿起手機看看來電者，公司秘書？！聽不聽好呢？稍作遲疑，還是接了電話。
「Hello，Joyce，有乜吩咐呀！」我故作輕鬆，明知這時候接到公司來電，不會是好兆頭。
「唔好意思，C姐，阻住你，CEO秘書剛剛通知，話聽朝早臨時召開meeting，叫各部門主管早三十分鐘返到。好嘞，我仲要通知其他人，拜拜！」Joyce匆匆掛線。

接完電話，心情沉了下來，「CEO突然召開會議，一定有啲嘢，莫非咁快出手裁員？又莫非我今日推咗佢食飯，要報復？」心在想，口中未出怨言，卻已寫在面上。
Roger鑑貌辨色，關心問：「乜事咁唔開心呀？公司電話？」
「係呀！叫我聽朝八點半返到去開會呀！我本來諗住十點至返，而家提早個幾鐘，今晚都係返屋企煮麵算！」我隨口亂說。

「咁我車你返去先啦！」Roger竟然認真回應。
原本預期的答案是「明天的事而家唔使擔心住，enjoy tonight！」
誰知這個Roger毫無情趣，也不陪他傻，給他一句：「車你個頭！」
然後點菜醫肚，「waiter！唔該......」
本來輕鬆的約會，給一個來電糟蹋，也不知我運氣不好還是Roger當黑，整餐晚飯我一言不發，心中正盤算如何招架CEO明天的殺著......

Roger一直乖乖的不敢多言，飯後在拿車途中，Roger才說：「不好意思，令你今天掃興。」
看見Roger無辜的樣子，心頭一軟，主動把嘴唇靠到他的耳邊，輕聲說：「我們去兜風。」舌尖有意無意間觸弄他的耳朵。

待續（逢星期三）