菠蘿山

菠蘿山只是良景邨的後山，越過山便可走到仙境「下白泥」～說是後山，但其實都唔易行！沿途都係斜路，彎彎曲曲，遠觀望一望山陵地帶，其實都幾震撼架♥

話明係「港版大峽谷」，地質面貌梗係有好豐富既紋理細節，黃昏日落時山石都會被染成橘紅色，想影景色既朋友都適合架～
交通：乘58X或58M巴士直達總站；
或於元朗乘615輕鐵；兆康乘615P輕鐵，在良景站下車

下白泥

講完菠蘿山，咁近就要講埋下白泥～大家都應該聽過這個地方，只係懶惰無去～ 其實白泥有不同的小生物，如：彈塗魚，招潮蟹及紅樹林等等，整齊排列的蠔田也是拍攝背景之一！

大家黎之前可以做少少功課，留意一下日落時間和潮汐時間，因為呢個地方可以影到哂水平線和壯觀的夕陽！大大個「咸蛋黃」係你面前♥
交通：於元朗泰豐街乘撘村巴NR941或綠色小巴33，在鴨仔坑站下車。經過河流旁邊小路直行，便會到泥灘。

雖然題目說是上山下海，但小編都知有妹豬又要吸like又要偷懶架啦～嘉頓山就真係啱哂大家啦～因為真係好方便♥

一啲都唔離地，相反望住繁華既社區，享受日落，欣賞一下華燈初起既時光，真係唔錯架～
交通：深水埗地鐵站D2出口，步行10分鐘到美荷樓，
在美荷樓後面的晨運徑，一直走上樓梯便會到達山頂

蒲台島被稱為「香港南極」，因為係香港最南端既一個小島～沿路有一條石屎建造郊遊徑，行既時候都唔會咁辛苦～全程大約 6 公里，3 小時左右就會行完！

但係沿途遮蔭既地方好少，只有兩個涼亭，所以妹豬夏天一定要注意防曬，同埋飲多啲水啊♥
交通：逢星期二、四、六、日及公眾假期都會搭到街渡 － 來回 $ 40
時間：香港仔往蒲台島 - 約 1 小時
赤柱卜公碼頭往蒲台島 - 約 40 分鐘

大浪西灣

「香港的馬爾代夫」－大浪西灣位於西貢東，並唔係港島南既大浪灣～唔好去錯！由西灣、鹹田灣、大灣和東灣四個海灣組成，而四個海灣都水清沙幼，絕對唔似係香港～就好似麥兜咁當去左旅行啦…香港人難請假嘛…( 哭 /_\ )

藍色既海啊～同閏密係度影相真係好正！快啲約朋友黎啦～
交通：西貢市有 29R 村巴來回西貢市和西灣亭
時間：車程約 30 分鐘，但假日的候車時間有機會超過 1 個鐘啊～


Photo Source:
Pinterest
Ulifestyle Blog by LAAAAM
PhotoBlog by PBADMIN ON
ImageJoy
Spacious by Nam Cheah
PhotoBlog by hei721

Text: Celia