這天下午，電話鈴聲響起，原來是姊妹Ida，說起來她已有陣子沒有join我們的gathering。
「我失戀喇，得唔得閒T呀？」Ida有氣沒氣的說。「sure！」本來工作纏身，也只好奉陪。

Ida這人有外貌有學歷，在銀行居要職，雖不算高層，但總是忙得上廁也沒空（據她自己說），於是養成她有一個壞習慣，就是「不接來電」。
朋友想找她，電話通常會接到「遺言信箱」，想留言嗎，你會聽到「留言信箱已滿」。Whatsapp好了，變了藍色雙剔也不會有反應，有時是晚上，有時是翌日早上，她會回你一個抱歉的哈哈笑。所以，通常都是她得閒才約你。

「佢話因為我冇時間陪佢，所以識咗第二個！」Ida冷淡地說。估都估到喇！我心諗。「其實我覺得你適合同居多啲，起碼唔使打電話約你！」見她不大傷心我才打趣說。
「唔得，我唔會為咗男人放棄自由，冇晒私人空間，算啦，反正都係拍咗幾個月啫，揀過第二個！」Ida扮瀟灑。
「Ida姐，你三字頭喇，仲有咁多人等妳揀咩，有時，點都要付出下，唔係第日孤獨終老呀！」

「付出？How？」
「首先，多啲聽電話，唔好將電話調校去『靜音』，起碼都校『震動靜音』，知道有電話嘛！仲有，清清妳個『遺言信箱』啦！有約都唔知啦！」我有話直說。
「有時真係忙嘛，聽唔到電話，況且依家搏緊，我仲有得上！」Ida還是說老話。
唉，做女強人，事業同感情，一定要二選一嗎？