早排新沙士殺到，冇學返，不過在首爾嘅生活依然不會乏味！逛逛吃吃又係開心嘅一天:)咁樣嘅日子，我喜歡去弘大！

弘大真係一個充滿娛樂嘅地方，除咗多餐廳之外又多嘢買又有好多夜店，係好適合年輕人嘅好去處。雖然衣服比起高速地下街貴，如果鍾意買衫嘅女仔可以先到高速地下街行吓先，因為有啲一樣款嘅會比弘大平。

不過今次我嘅目的係食！試咗間燒章魚餐廳，份量雖然唔多，但好好食！本身未食時腦海會唸到章魚食落口一定會好難咬，點知一入口，估唔到係咁彈牙架！！點埋佢畀嘅沙拉醬一齊食，仲好味噃，不過就有少少辣。

食完章魚，又叫咗個炒飯，主角都係章魚，加埋洋蔥炒，當然又係辣嘅。留意到韓國人鐘意用紫蘇葉包埋個飯一齊食，但自己就真係接受唔到塊葉嘅味。呢餐三個人食每人10,000won有找。

呢餐我地仲試咗近期韓國大熱嘅果味燒酒，濃度比起正常燒酒低，所以女仔會比較鍾意。呢隻酒本來喺便利店同超級市場好難買到，淨係餐廳先飲到，餐廳飲普遍大概要4,000won/支......

不過依家喺便利店大概1,500won就買到！試咗3隻味，都係覺得柚子味最好飲同易入口，其餘既味都比較似藥水味。

章魚店資訊
店名：희야네 쭈꾸미&빈대떡（弘大站9號出口）
地址：서울특별시 마포구 서교동 369-4
電話：02-322-3224

by窮絲絲&富絲絲
兩名九十後女生，在服務行業打滾幾年，熱愛旅行。喜歡接觸不同國家的文化。於2015年4月決定要攜手到韓國工作假期闖一闖，發掘更多新事物，實踐多年的願望。

來看看我們的Facebook！
www.facebook.com/poorwestvsrichwest?fref=ts


立即下載Miss Tiara手機程式，一齊分享快樂！
App Store: http://bit.ly/mt_webi
Google Play: http://bit.ly/mt_weba