大家都知其實韓國有林林總總coffee shop，可能一般嚟韓國旅行嘅人都只會選擇大牌子連鎖coffee shop，你又想唔想試吓啲特別嘅？好，咁我今次就為大家介紹呢間！

我就係為咗呢杯「사진커피」以入去試架！大家都未見過？唔知係咩呢？杯咖啡或飲品上印上自己個樣架！！只要喺呢度叫杯嘢飲，再加₩2,500就有喇！好有趣架。

我哋仲試咗個盆栽蛋糕，味道剛剛好。拎嚟影吓相都好靚！呢間店舖位置都好就腳，位於弘大，可以行完街入去唞吓飲吓嘢。

caFACE
地址：1/F,358-51 Seogyo-dong,Mapo-gu,Seoul
（弘大地鐵站九號出口左邊直行，到第二個路口右轉，會見到好多街頭表演。一直行到new balance， 過對面馬路的行人街，留意住左邊，經過完屈臣氏之後嘅路口左轉入去就會見到。）

韓國小趣事：
近期發生咗件事令我哋都覺得某部分韓國人真係好好。
有一晚，我哋去咗食路邊攤，當時攤檔仲有一個西裝男。點知...個男人食完竟然話無錢...淨係得張百貨公司現金劵，問呀豬媽（路邊攤店主）收唔收。
呀豬媽拒絕，仲話今次算數，唔收佢錢...仲要係無躁底，笑住咁同個男人講。如果喺第二啲國家，我唸應該一早報咗警。之後呀豬媽見我哋食個炒年糕好辣，仲請飲益力多:)


隔星期三．by窮絲絲&富絲絲
兩名九十後女生，在服務行業打滾幾年，熱愛旅行。喜歡接觸不同國家的文化。於2015年4月決定要攜手到韓國工作假期闖一闖，發掘更多新事物，實踐多年的願望。

來看看我們的Facebook！
https://www.facebook.com/poorwestvsrichwest?fref=ts


立即下載Miss Tiara手機程式，一齊分享快樂！
App Store: http://bit.ly/mt_webi
Google Play: http://bit.ly/mt_weba