韓國人鍾意飲酒文化相信好多人都知，佢哋好鍾意食完飯後再搵飲酒嘅地方。今次為大家介紹呢間好適合女仔，因為佢嘅啤酒有好多唔同既口味同比較易飲入口，同一杯生啤價錢真係好平。

我哋習慣叫呢間店做「啤酒薯條」，其實真正舖名叫「봉구비어」。係一間連鎖店，身邊總會有一間。弘大，新村，明洞等都有......佢地賣嘅係生啤酒，有原味（約HKD21）同西柚，蘋果，青葡萄，蜜糖等味（約HKD28）。我哋覺得最好飲嘅係青葡萄味，而西柚味就未必每個人接受到。

飲酒之餘點少得佐酒小食，呢度比較多人叫嘅係薯條（約HKD35），可以選擇兩種醬。佢哋嘅炸芝士條亦都好好食（約HKD14一條），而炸蝦餅都好新鮮，不過就唔係間間都有。佢哋仲有小餅乾同脆脆波係self service無限refill。
我哋去過弘大，近合井，新村三間，覺得新村嘅比較舒適，好適合三五知己飯後飲杯嘢傾吓偈。

新村店位置
由uplex行過去大概五分鐘路程。uplex紅水管過馬路會見到banila.co，一路近左直行，經過完橋村炸雞店就會到。

韓國小文化
原來韓國人到他人屋企作客時，會比較鐘意送日常用品：豆奶，洗頭水等......韓國朋友人講，如果新屋入伙時就會送卷紙，臉紙等:)

隔星期三．by窮絲絲&富絲絲
兩名九十後女生，在服務行業打滾幾年，熱愛旅行。喜歡接觸不同國家的文化。於2015年4月決定要攜手到韓國工作假期闖一闖，發掘更多新事物，實踐多年的願望。

來看看我們的Facebook！
https://www.facebook.com/poorwestvsrichwest?fref=ts


立即下載Miss Tiara手機程式，一齊分享快樂！
App Store: http://bit.ly/mt_webi
Google Play: http://bit.ly/mt_weba