「Pearl，你提出的idea好有問題，執行上有好大困難。」負責Marketing的Eva正在質疑sales team組長Pearl提出的建議。

每次開市場及營業部的小組會議，作為阿頭，我都會很傷腦筋。Marketing同sales兩邊的組長Eva及Pearl總是針鋒相對。
「係咩？我覺得構思好OK，未試就話唔得，可能係你能力問題，我OK喎！」Pearl一向很有自信。
「只係得idea冇用，落實唔到，都係浪費人手同資源。上次你都話得，咪又係唔到target，失敗！」Eva不甘示弱。
「Eva，妳只識批評，又未見妳提過好idea......」Pearl不屑回應。

「好喇，嘈夠未呀你哋。」又是我發聲的時候。
老實說，兩個人各有優點，經常這樣吵成一團，無非出於女性天生的妒忌心。本來Eva跟我親近點，閒來會結伴逛街及tea，而且勝在忠心聽話，不過，論創意idea，真的不及Pearl。
「Eva顧慮到執行的問題，好有理由......不過，既然阿Pearl你有信心，可以試下！」我還是接納Pearl的意見，一來免被其他人覺得偏私，二來也鼓勵多些人主動提出意見，反正Eva不滿的話一餐下午茶可擺平。

其實作為領導者，很難做到事事公平，有時偏心「自己人」難免，只是有時不能太著跡，每事也有求必應，會被人說用人惟親，有時故意打擊「自己人」，或者更能發揮團隊的戰鬥力！