我知～我知～葵廣實在太多推介丫嘛！但小編肯定您地唔多認識葵廣始祖呢幾間餐廳(*^◯^*) 小編是常客啊！

葵涌百得阿姨

一般車仔麵可以有幾好食？的確可以有好多選擇，但百得阿姨出名多配菜，又多麵既選擇，河粉、米線、粗幼麵乜都有！仲有紅薯粉～又可以選舉小、中、大辣，味道有家鄉風味啊！

味之樂

早前在三樓營業，租約滿了後實在令人好掛念！過了數個月竟然在二樓重開～實在叫小編好興奮啊！

當然唔少得生腸、雞腎、八爪魚等這些地道小吃，味之樂把食物處理得好好，好乾淨，適當的溫度，加上豉油汁，又好食又爽口！

小雨天

雲南風味米線當然成為招牌菜，絕對是足味足料～或者揀骨湯潮州泡飯都是好選擇，外間沒有太多吃泡飯的餐廳，小雨天卻把泡飯成為招牌菜之一，湯底夠濃郁，飯的軟硬亦都適中～

如果真係想食飽啲，就要揀食咖哩飯，食得出有齊咖哩應有既調味料，絕對唔普通開粉煮方法，值得試下！

一品香南北美食

呢間出名食擔擔麵，湯底落足料，有埋花生既味道，十分濃郁～仲有唔同配料，可以加埋牛肉、雲呑、雞翼機等，配埋辣湯底，正呀！

仲有呢個豆沙鍋餅！整得好脆，而且皮好薄，包住厚厚既豆沙，好好食啊～

Photo Source:
- ONCC
- 16fan.com
- 味之樂 offical facebook
- Openrice

Text: Celia