久未見面的Tina忽然來電，「C姐，你做咁耐阿頭，係咪好熟勞工法例，我想問下如果叫啲員工轉做part time，犯唔犯勞工法例？」
「嘩！Ti姐呀，我唔係做人事部架......不過照估都冇員工肯制喇！」我坦白說。

來電的Tina是做時裝生意的，年紀輕輕擁有幾間時裝店，朋友都叫她Ti老闆。
那年自由行開始後，Ti姐就說這是大商機，辭了原來工作自己做老闆，往韓國入貨，做批發兼零售，在旺角商場開了第一間店，生意不俗又急急開分店，她說薄利多銷，做旺人流，一間舖月賺五萬，五間舖就月賺廿五萬。
自由行當旺，生意好，Tina更游說了幾位姊妹合股開分店。「哎喲，C姐，預你一份吧，有我睇住你放心啦，有錢齊齊搵！」Tina也曾游說我。

一直深信力不到不為財的道理，不喜歡做sleeping investor，況且，天下沒有包賺不賠的生意，按Tina的廉價經營模式，邊際利潤太低，店舖過分集中，有地區性局限，萬一市場逆轉或有突變，確實存在一定風險，於是婉拒了合作。

「其實去年開始生意已經差咗，新租約又加咗租，今次失驚無神爆單佔中，直情攞命，生意跌左四成，咁落去一間舖月蝕五萬，五間月蝕廿五萬，點頂，惟有叫啲員工轉做part time先啦！」Tina猛呻。
做老闆跟打工仔一樣要面對困難及風險，員工放假可以無牽無掛玩樂，幾多小老闆還在操心生意怎麼辦！今天香港的經營環境不比從前，所以創業前，還是停一停，諗一諗，自己真的有魄力及財力嗎？