女生去台北，一定會選擇幾間Café成為景點之一，唔知大家又有無聽過Caldo Café咖朵咖啡呢？

咖啡豆全部都係自己烘的，連咖啡杯入面的冰塊都係用咖啡製作，可以見到係幾有心思♥ 就算冰塊融化，都唔會影響到咖啡的原味！

冰滴咖啡係熱賣之一，帶點酸香既咖啡風味，飲一啖，咖啡香味就一直停留係口腔裡面，好濃醇！
原來每日只係可以滴取一壺，係限量供應，所以先會保持到水準！絕係花上時間製作既精華♥

鬆餅係Caldo Cafe既另一樣熱賣，用左日本進口的麵粉新鮮打製成的鬆餅糊，每一啖都會食到細緻既麵粉香味！鮮奶油裡面仲滲入伯爵茶的細粉，有助減少膩感，亦都加強左茶香。再加埋堅果陪襯，澆上焦糖醬，成為絕配♥

小編就試左呢款法式吐司，厚片吐司沾上蛋液後煎至金黃色澤，加上吉士醬同楓糖，食落去既整體感覺同想像唔一樣，好好食，係香港未食過既味道～面個層煎過後有點脆脆的，但底部就有啲蛋糕般軟綿綿，十分鬆軟♥

然後再點了一份Egg Benedict，鬆軟的馬muffin先塗上特製既香料奶油，即刻試下用刀劃開蛋的部分，蛋汁慢了流出，小編已經按捺不住要食野！加上煎得香噴噴既煙肉同火腿，同埋經典荷蘭醬，實在係太吸引♥

咖朵既製作荷蘭醬既方法係保留荷蘭醬原有既基底，再額外添加帶有濃郁香氣既紅辣椒粉同酸甜解膩的蕃茄醬，食落去有微微既酸味又有很舒服的辣度，帶出唔同既層次風味♥

大家不妨去試試，好過成日去夜市丫嘛！
啊～順帶一提，您地最愛既花甜果室都係隔離街，可以順便去埋！

地址：臺北市敦化南路一段190巷16號
營業時間：平常日： 11:00 ~ 22:00 / 例假日： 10:00 ~ 22:00

Photo Source:
Triplew.tw
Yuki’s Lazy Channel
Caldo Café Offical Facebook

Text : Celia