大熱天時， 見到大堆肉會好飽滯， 飲食習慣上都會有些改變。 一向喜歡吃海鮮的我， 今次找到一家以蟹為主的餐廳，在中環蘭桂芳的Holy Crab Bar andRestaurant。

雖然是西餐廳， 但在吧枱旁邊， 有波枱等玩樂設施， 見到有客人用膳後都在玩玩， 就像cafe一樣， 有得食有得玩， 放鬆緊張的神經。

在餐廳其他角落，亦找到蟹仔的副產品等。

連天花燈亦很特別，看得出是甚麼嗎？

除了餐牌上的菜式，亦有海鮮啊﹗

難得與愛蠔朋友同行， 來個澳洲蠔 $180， 肉質爽嫩有彈性， 海水味濃， 一解對蠔的思念。

麵包蟹肉意大利飯 168，  以麵包蟹蓋作盛器，裝滿加入麵包蟹肉、茴香籽，百里香及巴馬臣芝士醬汁的意大利飯 ，再焗得金黃香口， 好濃郁的芝士香，  意大利飯有咬口，是為港人喜愛的口感， 好飽！

再來個邪惡之選， 焗釀蟹肉醬麵包 $168，挖空麵包中間位置， 釀入鮮甜太平洋蟹肉、洋蔥、蟹油、茴香籽、車打芝士忌廉，記得要趁熱食， 放涼了會影響麵包香脆度。

由於沒有開水提供， 點杯蠻耐喝的士多啤梨沙冰 $68， 解渴又健康。

最後來個Creme brulee 68，  燉蛋與脆糖都是薄薄的， 蛋香幼滑， 若脆糖可減甜一黚就更完美了！

Text & Photo : Sugar's Little World 賞嘗美園地

(https://www.facebook.com/sugarlittleworld/)