吃貨們萬聖節一於做返自己，化身「餓鬼」食！盡！佢！今次推介的超抵食buffet 有齊美滿人生必備的「生蠔」、「鵝肝」同「蟹腳」，而且仲因應Halloween 主題出左一系列鬼馬食品～簡直係人間天堂啊！

原來咁鬼馬、咁識做既... 係位於8度海逸酒店既8度餐廳！ 佢地將會係10月14至31日期間將餐廳幻化成趣怪的萬聖節慶祝場地，並為「海鮮滋味遊」自助晚餐帶來一系列萬聖節造型美食及活動～正所謂有圖有真相，這次期間限定的「萬聖狂歡」自助晚餐，特色食品造型詭異得來帶點俏皮可愛，絕對是萬聖應節必去！重點是... 餓鬼們可以盡情大飽口福！

每款萬聖節美食都勁有心思，好似呢個「鬼怪士多啤梨芝士慕絲」，連上面栩栩如生既蟲仔都係大廚親手精心製作，而大南瓜入面係女生必愛香濃而不膩既士多啤梨芝士慕絲！

還有鬼怪眼球系到：
（左上）眼珠洛神花啫喱：微酸的啫喱清淡中散發花香，還有爽口的椰果粒，夠哂fresh，而且洛神花可養顏美容，所以... 食多d XD
（左下）香辣肉眼球：浸於鮮紅茄汁中的眼球香辣惹味，更用上對眼精有益的覆盤子和藍梅，多重滋味十分開胃！
（右）朱古力慕絲墳墓：朱古力fans又點可以錯過香濃幼滑的朱古力慕絲？

仲有可愛既「嘩鬼曲奇」，每塊上面的圖案都勁精緻，啱哂用來邊食邊做自拍道具！

介紹完搞怪食品，去食buffet又點可以唔掃魚生、生蠔、蟹腳等等海鮮「回本」？ 你睇片片魚生都勁厚身，最難得係款式多又新鮮，看來今餐不增磅誓不休～

另一必食仲有用芝士香草忌廉汁現場即炒既波士頓龍蝦，香濃不在話下，仲要有滿滿的膏！最過份係有源源不絕地供應的即開法國及美國生蠔、皇帝蟹腳、紐西蘭青口... 除此以外，更有和牛刺身、燒特級牛肉、香草烤羊扒及避風塘軟殼蟹等等聽到個肚都識打鼓既美食！

愛好鵝肝的朋友有福了，因為呢度既香煎鵝肝配黑松露汁，油脂豐富、濃郁細膩，更外脆內軟，且入口即溶 ♥ ♥ ♥ 爆Quota？食左先慢慢計啦！

甜品區一樣唔輸蝕，除左有多款精緻甜點如士多啤梨蛋白卷、開心果慕絲蛋糕等，更有香濃鬆化的軟心芝士撻，以及香氣逼人的即焗朱古力心太軟和大人細路都爭住食既Häagen-Dazs !!!

最後記得要食埋王牌芒果拿破崙先好走啊，因為就小編當日現場觀察，每次只要佢一出場，10分鐘內一定會比人拎哂...剩下冷清的空盤，可想而知有幾好味 XD

「萬聖狂歡」自助晚餐活動期間仲有手部彩繪服務，有得食又有得玩，仲可以影定一堆靚相放 fb／IG 呃下like.. 真係鬼咁抵食！

建議打算正日10月31日去既朋友同小編們一樣化個嘩鬼妝，因為夜晚7 點正會有一班小嘩鬼係lobby唱歌跳舞，同大家玩「Trick or Treat」，等你過個勁有氣氛的Happy Halloween！

♥「萬聖狂歡」自助晚餐 ♥

原價：
星期一至四 ： （成人）$458 （65歲或以上長者) $408 （3歲至11歲小童）$328
星期五至日、公眾假期及前夕： （成人）$488 （65歲或以上長者) $428 （3歲至11歲小童）$348

而且！！！於酒店網站eShop或憑指定信用卡，仲可享高達 8折： https://goo.gl/0h354Y/
即日起至11月30日帶同三位好友惠顧自助晚餐，當月生日的客人即享半價優惠或免費生日蛋糕一磅（需另收加一服務費，詳情請向餐廳查詢）

訂座 / 查詢：   電話: +852 2126 1960 電郵: fnb@hp8dcatering.com

Make-up Sponsor :
Kiko Milano / Yves Saint Laurent Beauté

Editor :
Wendi Lau
Contact : wendi.lau@misstiara.com.hk
FB page : http://www.facebook.com/WendiPlanet/