周日跟老媽飲茶，原來她也約了久未見面的Maggie姨，說起來Maggie姨可說從小看到我大，這天，Maggie姨還帶了個約廿歲的陌生女孩來，原來這位90後女孩是Maggie姨的姪女。
姪女叫阿玲，寒暄幾句，問起阿玲的工作，Maggie姨趕著搶答：「依家冇嘢做啦！份份工都做一陣，冇錢咪返工，有錢就去玩。」阿玲邊聽邊玩手機。
原來想我介紹工作，還好，不是帶個男人來跟我相睇。

「本來做乜？」我問阿玲。還是Maggie姨搶答：「做sale賣衫囉！可以做得乜？乜嘢工都要話學歷，最衰佢又唔肯讀書。」
教育普及的今天，基本學歷要求，是審核個人操守及毅力的客觀準則，公司請人以此為根據，一點不錯。
「咁點解唔做呀？」我問。
Maggie姨繼續代言：「話要輪更，好辛苦喎。以前話唔鍾意讀書，早啲做嘢，依家有工又唔做，佢話想試吓寫字樓工，時間穩定啲，我諗住你識得人多，咪問吓你囉！」其實求學時期的態度，多少可看出個人的行為操守。
「我幫你留意吓。」

有趣的是，一直沒有發言的阿玲，此時拋下一句：「約咗人，有工call我，走先！」
如此態度，你話有工好唔好介紹呢？