有些事，你愛做，但又覺得樣衰不好意思。但如果告訴你，一些你認為是壞習慣的行為，原來對身體有益，那你以後便做得大條道理！以下3個行為，你有冇份，有？以後唔怕做！

不時「腳印印」
自細阿媽會教你「人搖福薄」，「腳印印」幾時都被介定為樣衰行為，勢估唔到，日本有醫療中心的研究指，「腳印印」有助改善血液循環，只要「印」10分鐘，皮膚的溫度便會上升，據說可令聚積在小腿的水分及血液推向心臟，也有助改善浮腫！以後我「印身印勢」，各位咪再歧視我！

密密食爆谷
在我們的日常生活中，爆谷跟睇戲，有著密不可分的關係，不論在戲院還是在家，金睛火眼睇，個嘴就密密食，睇落都勁hea。不過，爆谷原來是有益健康的美食，美國有大學研究指，爆谷含豐富植物纖維及比蔬果更豐富的抗氧化成份！食爆谷，就可以攝取一日所需的全粒穀物的70%以上。但，我怕肥啊！！！

朝早搞搞震
男歡女愛之事，自古是摸黑進行的活動，日光日白搞搞震，不罵你淫賤也會指你「不務正業」。又聽聽從事性研究的Debby Herbenick博士的意見，她指，早上做愛可令有助身心愉快的催產素釋出，可提升兩人全日的親密感。而且有指做愛可提升免疫力，同時分泌的雌激素有改善肌膚，髮質及指甲健康！唔信？咪怕醜，多試就知:)

資料來源：biranger