秋冬同復古永遠都分唔開，無論顏色、質地、配搭都要同復古掛勾～今次就同大家分享7個秋冬穿搭方法！

【Monday】
麂皮绒裙係秋冬最緊要嘅item之一，最好選擇咖啡色，比較有復古感，而且易襯唔同色嘅上身衫～加返對黑色皮鞋就可以平衝返girly同型格兩邊嘅風格！

【TUESDAY】
第二樣重要item一定係針織衫，上身衫可以先選擇淨色嘅款式，但外套可以選擇一啲有pattern嘅款式做配搭！再加埋一頂畫家帽，立即有文青嘅感覺～

【WEDNESDAY】
一定要有一兩件大外套喺手，厚嘅薄嘅都無問題，一著起就立即充滿氣質～入面不妨著返件裇衫，整體感覺有啲似外國嘅校園風！

【THURSDAY】
針織衫襯埋裇衫一齊著，著出層次感係秋冬穿搭嘅重要元素～短boot襯短裙更會令雙腳顯得更加長！想加啲小details嘅話，可以著多對短襪仔係入面～

【FRIDAY】
秋天其實都可以著碎花嘅衫，只要選擇啲比較深色、花形較細嘅款式就可以～再加埋牛仔裙(都係比較深色適合秋天)，營造causal嘅style，Happy Friday丫嘛！

【SATURDAY】
裇衫唔一定要淨色先好睇，直紋反而可以加強整體styling嘅感覺，亦都減少嚴肅感或沉悶感～可以用復古眼鏡做成個outfit嘅細節位，掛係裇衫又得，直情帶住都一樣好睇～

【SUNDAY】
秋冬一定要有格仔裙，一著起就會年輕哂～除咗格仔裙，橫間衫都係必備item，實在係超級百搭！厭成個outfit悶得濟? 加上可愛啲，又有啲小details嘅手袋啦～

Photo source : Pinterest
Text by Celeste