面對住一個又一個嘅Party，都唔好話唔攰呀！想直接有效咁遮住個殘樣？不如帶返個眼鏡啦，流行之餘又夠特別！

太陽眼鏡
近年帶太陽眼鏡都已經唔會令人覺得好誇張，反而好多人都會帶太陽眼鏡配搭一下～唔單止可以遮住殘樣，仲會有一陣星味添呀！

喺Gucci帶領之下，黃色鏡片太陽眼鏡亦成為咗太陽眼鏡熱朝之一嘅款式添！要表現出型格調型就無難度啦～

膠框眼鏡
其實膠框眼鏡好容易配搭，無論係T-shirt、恤衫或Hoodie都會襯到，喺呢啲咁簡單嘅造型上加上呢啲玩味重嘅膠框眼鏡，立即變得好有霸氣，同時絲毫憔悴都感覺唔到！

當然要配合一下妝容，只要加上紅色唇膏就唔會錯，一望就覺得係精神樣～加埋冷帽或者chocker都係好選擇！

文青小眼鏡
文青都一樣會去party！呢款眼鏡一直都受到唔少女生喜愛，簡單得黎又容易carry，仲好可愛好有仙氣添～

無論係長頭髮定短頭髮都一樣好適合，成個感覺有種隨意感，但又不失時尚嘅感覺！

Photo Source：Pinterest
Test：Celeste