28 Jun

CherryPolaw小廚房呈獻：自家制鮮士多啤梨手工雪條，其實想整雪條好耐啦，今晚終於的起心肝整，買咗盒澳洲士多啤梨hkd26.9(惠康超級市場 Wellcome Supermarket) + 3湯匙蜜糖 + 1/3杯低脂奶，放入攪拌機攪，直至士多啤梨攪爛，倒入雪條模，再放入冰格雪一晚即成！ 頭先試咗d味道，澳洲士多啤梨又幾香喎！又幾正喎，其待制成品！ 自家制雪條又易整，又快，又好味，又低脂，又唔駛食d無益嘅糖份，大家可以試吓整呢！ #自家制手工雪條 #自家制雪條 #手工雪條 #士多啤梨雪條 #自己整嘅雪條 #雪條 #生果雪條 #handmade #homemade #cherrypolawsharing #cherrypolaw小些牙 #cherrypolaw小廚房 #hkfoodie #hkfood #food #hk #hkig

18 Jun

CherryPolaw小廚房呈獻，四餸一湯 ~~ 韮菜豬紅、三色椒炒牛肉、蝦米炆冬瓜、焗雞翼，仲有而家最啱用嘅健脾袪濕花膠湯水。 #cherrypolaw小廚房 #cherrypolaw小廚房呈獻 #自家煮 #hkfoodie #hkfood #food #hk

22 Mar

襯天氣涼涼地，整番個"海上鮮煲仔飯"先，整呢個煲仔飯好簡單，將蝦乾、魚乾、蠔屎同瑤柱粒，連埋已洗好嘅米，浸至少半天，然後落煲用最細火煲15分鐘，然後再賴少少甜䜴油，再熄火焗10分鐘，就攪掂啦，食時真係夠曬鮮味！ #煲仔飯 #海上鮮煲仔飯 #自家制煲仔飯 #cherrypolawsharing #cherrypolaw小廚房呈獻 #cherrypolaw小廚房 #cherrypolaw小些牙 #相機食先 #hkfood #food #hk

21 Mar

今晚煲咗靚湯 - 蘋果雪梨無花果杞子元肉花膠薏仁瘦肉湯，去濕得嚟又清潤，有好嘢，又點少得阿仔一份啊，阿仔飲到咀😝😝！ #煲湯 #春天去濕湯水 #蘋果雪梨無花果杞子元肉花膠薏仁瘦肉湯 #湯水 #老火湯 #中式湯水 #cherrypolawsharing #cherrypolaw小廚房 #cherrypolaw小些牙

27 Feb

CherryPolaw小廚房呈獻：是晚韓之夜，人蔘雞 + 韓式炒粉絲，今晚味道整得唔錯，兩支韓國新鮮人蔘都好出味，雞在 759 阿信屋買，hk34.9，都幾好肉，又清曬d內臟頸同頭，唔駛自己做餐死！只要加埋糯米、紅棗同粟子，釀內雞內，煲一小時就攪掂！ 韓式粉絲亦超易整，15分鐘內完成！ 另飯後果係今天在 吉之島 買咗新品，西班牙士多啤梨$99 / 1kg，包得好靚，仲要好多粒，我數過我呢一盒有35粒咁多，雖然佢嘅甜度同香度韓國同日本士多啤梨咁濃，但比起美國的為好食和甜！唔錯！ #自家煮 #晚餐 #cook #dinner #cherrypolaw小廚房呈獻 #cherrypolaw小廚房 #cherrypolawsharing #cherrypolaw小些牙 #hkfoodie #hkfood #food #hk #hkig

15 Feb

琴日係情人節，適時哈子餅收夜，所以我倆冇出街晚飯庆祝，小妹選擇在家煮，又不用同人逼，又唔駛只係可以揀ABCD餐。 CherryPolaw小廚房2/14情人節晚餐呈獻： ~ 柚子汁沙律菜 ~ 是日空運生蠔 ~ 香煎露筍牛柳粒 ~ 大蝦煙肉露筍炒飯 ~ 軟心朱古力磚 輕輕鬆鬆在家中渡過咗一個充實的情人節！ #情人節自家煮 #情人節晚餐 #晚餐 #dinner #homemadedinner #自家煮 #吃貨 #相機食先 #CherryPolaw小廚房 #CherryPolawsharing #CherryPolaw小些牙 #飲飲食食 #hkfoodie #hkfood #food

27 Dec

4天假期的最後一天，要吃點甜嚟安撫吓心情先，今天整了旦白燉鮮奶，滋潤又可美白肌膚！正啊！ #聖誕假期後遺症 #吃點甜安撫心情 #旦白燉鮮奶 #美白滋潤肌膚甜點 #cherrypolaw小廚房 #cherrypolawsharing #cherrypolaw小些牙 #中式甜品 #desert

08 Oct

一個人的晚餐，main dishes：准山杞子茨實蓮子百合雪蓮子桃膠果皮薏米蕃薯粥，因有不同的食材，所以可以健脾滋補去濕，大家知道嗎？脾臟其實我哋好緊要㗎，有一個好嘅脾臟臉色都好d，冇咁易變黃臉婆㗎！咁當然仲有其他好處啦！ Dessert：自家制藍莓士多啤梨香蕉smoothies，超易整，將所有食材擲曬落豆漿機加少少水，就攪掂，唔駛加糖㗎，因為已經夠曬味，好味又飽肚，大滿足！ #一個人的晚餐 #homealone #自家制健脾去濕滋補晚餐 #健脾去濕 #自家制smoothies #藍莓士多啤梨香蕉果汁 #smoothies #fruits #生果 #准山 #杞子 #茨實 #蓮子 #百合 #雪蓮子 #桃膠 #果皮 #薏米 #蕃薯 #粥 #cherrypolaw小廚房 #cherrypolaw小些牙 #food