26 Mar
Weekend應該要出去拍吓拖，食吓飯，又落咗深水埗揾食，突然之間好想食咖喱，行過見到呢間喀什米爾咖喱屋，就試吓，叫咗咖喱羊$58同馬薩拉咖喱雞肉$70，嚟到原來嗰個已是套餐價，可揀飯或者薄餅，2款咖喱味道比較傳統，但味道都唔錯，各有特式，咖喱羊就帶少少辣，但多汁，用嚟送飯一流！而馬蕯拉咖喱呢，就帶少少蕃茄味嘅，用嚟夾薄餅食唔錯！薄餅絶對唔少，有成8塊，仲新鮮熱辣，又鬆軟！埋單仲唔駛加一！抵食到暈！可以再番啅！ #咖喱 #深水埗揾食 #飲飲食食 #食好西 #喀什米爾咖喱 #cherrypolawsharing #cherrypolaw小些牙
23 Mar
三八嗰日，適逢哈子餅生日，午餐就同佢去咗 The Verandah @ The Peninsula Hong Kong 食lunch buffet。 欲知食物及環境如何，睇小妹preview啦！ http://www.beautyexchange.com.hk/blog/%E5%90%83%E5%87%BA%E7%9F%9C%E8%B2%B4%E6%84%9F%E5%8D%8A%E5%B3%B6%E9%85%92%E5%BA%97Verandah/200327 #半島酒店 #ThePeninsulaHongKong #自助餐 #buffet #LunchBuffet #食好西 #飲飲食食 #cherrypolawsharing #cherrypolaw小些牙 #hkblogger #blogger #hkfood #hk
11 Mar
今天大帽山一日遊，晏晝先去川龍村瑞記茶樓嘆咗一盅兩件，呢度係自助形式嘅茶居，由沖茶到攞嘢食都係自己一手一腳攪，至於食物味道，我覺得比起一般去開嘅酒樓味道係爭d，最有驚喜係蝦餃，雖然皮厚，但好滑，裡面亦好足料，有成3隻蝦，仲勁彈牙。大包亦好足料，雞扎好傳統，竟然仲有豬肚，好耐冇食過有豬肚嘅雞扎！郊外油菜幾鮮甜，山水荳腐花好滑！9個食物埋單計埋茶位$186，唔算貴，因為未去過呢d咁有風味嘅酒樓飲茶！同埋係呢度飲茶記住慢慢嘆，因為雖然發現佢初初食物唔算多，但間唔中會有新嘢推出，老闆就會叫咪通知大家有咩新嘢食，d人就會衝落去攞食物，好鬼攪笑！ 食飽飽後，就係川龍村度散咗一陣間步，吸吓新鮮空氣，之後再搭51巴士遊大帽山至石崗，睇吓沿途風景，都幾唔錯！ #大帽山飲茶 #大帽山 #瑞記茶樓 #飲茶 #一盅兩件 #嘆茶 #飲飲食食 #food #hkfood #hkfoodie #foodie #cherrypolawsharing #cherrypolaw小些牙 #hkig #hk
15 Feb
琴日係情人節，適時哈子餅收夜，所以我倆冇出街晚飯庆祝，小妹選擇在家煮，又不用同人逼，又唔駛只係可以揀ABCD餐。 CherryPolaw小廚房2/14情人節晚餐呈獻： ~ 柚子汁沙律菜 ~ 是日空運生蠔 ~ 香煎露筍牛柳粒 ~ 大蝦煙肉露筍炒飯 ~ 軟心朱古力磚 輕輕鬆鬆在家中渡過咗一個充實的情人節！ #情人節自家煮 #情人節晚餐 #晚餐 #dinner #homemadedinner #自家煮 #吃貨 #相機食先 #CherryPolaw小廚房 #CherryPolawsharing #CherryPolaw小些牙 #飲飲食食 #hkfoodie #hkfood #food
01 Feb
放咗幾天新年假，又要週圍去拜年，忙到癲咗！仲未同恭祝大家雞年行大運！雞年進步呢！ 今天終於要開工大吉，但發現自己已患上"冇精神"病，所以想放吓毒！ 年初三晚時，去拜完年，就走咗去食甜點！ 咁啱晚去到 HeSheEat 旺角店，唔多人等位，就去試吓！ 我們四個人叫了四款甜品： ~ 檸檬忌廉班戟卷 (hkd56.00)，呢款班戟卷酸酸甜甜再配埋個乳酪雪糕，幾開胃，不過側邊d脆脆幾"痴"牙，哈哈！ ~ 士多啤梨藍苺窩夫 (hkd56.00)，窩夫整得幾鬆化，加埋d醬加雪糕食，簡直一絶！ ~ 雲呢拿士多啤梨奶凍 (hkd56.00)，好味，奶凍夠濃奶味同滑！ ~ 岩鹽焦糖厚焗鬆餅 (hkd55.00)，好味，個鬆餅超軟熟，伴鬆餅食的醬汁亦不太甜！ 其實整體嚟講，4款甜品都好味，唔算甜到漿曬口嗰隻，就算食完飯食，感覺都唔會話好漏，同價錢適中，唔算話貴到飛起，但唔好食嗰D！可以再番啅！ #HeSheEat #dessert #甜品 #西式甜品 #吃貨 #飲飲食食 #相機食先 #飯後甜品 #cherrypolawsharing #cherrypolaw小些牙
22 Dec
琴晚做冬，娘家同哈子餅家，已經提早做咗，咁公司又放早咗一小時，又走咗落深水埗逛吓，食吓嘢咁。 原本諗住食米線，但因為冬，所以冇開，咁見呢間 Rice Love 飯意主題餐廳 平時排曬長龍，今日又冇人排，咁咪試吓囉，原來係食西餐+韓國fushion菜，價錢唔貴，咁就叫咗幾樣推介： 1. 燒菠蘿牛漢堡配烤餅 ~ hkd52.00，漢堡側邊煎得比較乾，好彩中間唔係乾的，唔覺有太多肉汁，而薯格及烤餅上菜時，已是室温的，一點暖的感覺也沒有，要扣分呢！呢道菜成個其實都好痳痳，可以不叫！ 2. 酥皮海皇忌廉湯 ~ hkd28.00，好足料，真係有海鮮，個酥皮整得好食！夠曬脆同香口！湯的味道亦啱啱好，不會覺得太膩，個湯好味！ 3. 招牌特級西冷鐵板飯 ~ hkd56.00，再加hkd20.00有一客蒜蓉包+ 沙律 + 飲品，西冷牛扒都幾大塊，佢話足10安士的，林得嚟唔會話比D鬆肉粉"頁"到D肉味死曬，林得嚟仲有少少口感！算好食！ 埋單唔駛加一，total hkd156.00，有時間限制，每枱只可有90分鐘。 食飽飽後，只能講較為抵食，但食物味道就一般，只能當快餐食，不能用美食來講，有D唔明，咁普通嘅食物質素，點解要大排長龍食呢？！ #ricelove #RiceLove飯意主題餐廳 #深水埗揾食 #飲飲食食 #相機食先 #晚餐 #hkblogger #foodie #hkfood #blogger #hkfoodblogger
23 Nov
今晚同我嘅好閏蜜去咗晚飯談心，原來而家 一壽司@金馬倫道 6點已開始半價黑夜壽司，今晚食咗14樣嘢，埋單半價2條友計埋都唔駛hkd300，都算抵食！ #一壽司 #金馬倫道 #黑夜壽司 #金馬倫道一壽司黑夜壽司半價 #半價壽司 #尖沙咀揾食 #飲飲食食 #cherrypolawsharing #cherrypolaw小些牙 #壽司 #sushi
12 Oct
特別日子應該可以放肆一點，一早就吃甜，今早返工經過 Crostini 就買咗個綠茶荔枝mousse cake嚟食，幾好味，唔太甜，綠茶mousse軟身亦夠滑溜！ 綠茶味好香，而mousse內層仲有一層類似綠茶+荔枝啫喱和綠茶海綿蛋糕，小妹覺得呢個綠茶味已夠香了，但如果係超綠茶控，可能會覺得唔多夠喉，但唯一覺得好似真係唔太覺有荔枝味，但整體嚟講，係好味的！間唔中一件奬勵吓自己，放肆吓，都係一個唔錯的選擇！ #Crostini #cake #moussecake #greentea #litchi #greentealitchimoussecake #綠茶荔枝慕絲蛋糕 #慕絲蛋糕 #蛋糕 #綠茶 #荔枝 #西式蛋糕 #CherryPolaw小些牙 #飲飲食食 #相機食先 #yummy #吃貨
