14 Oct

琴晚去咗睇呢套< 謊言西西里 / never said goodbye>，呢套戲，我只比50分，如果唔係四皇子-李準基，我直程會比唔及格，悶戲一場，故事老土，成套戲冇高低起伏，有幾場佢係想拍有感人場面嘅，但絶對唔令人覺得感動，只能夠講，迎合唔到香港口味，可能強國人睇，會感覺好睇一點吧，有時周冬雨講嗰D大陸術語，我又唔太明佢講咩。 題外話，不過原來我哋香港嘅演員~張松枝，除咗D人覺得佢有幾分似宋仲基之外，原來另一個，佢都幾似李準基的！哈哈！ #movie #電影 #電影看後感 #影評 #neversaidgoodbye #謊言西西里 #李準基 #周冬雨 #CherryPolaw小些牙 #hkmovie #hk

29 Sep

琴晚去咗睇 The Purge: Election Year <國定殺戮日：大選狂屠>，其實小妹初初冇咩興趣睇呢套戲，因為血腥唔係我杯茶，點知睇落又幾緊張喎！緊張係要救嗰個參議員，其他血腥我就一般啦！所以我會比75分啦，不過哈子餅就話一般，可能男人除咗想睇血腥外，都想睇少少女色，應該會更吸引嘅！係有幾條女露事業線嘅，不過樣衰兼格衰呢，只想佢快d死咋！整體對我嚟講，都覺得幾緊張驚嚇！ #國定殺戮日大選狂屠 #ThePurgeElectionYear #電影看後感 #影評 #CherryPolaw小些牙 #電影 #movie #血腥暴力影片

03 Sep

琴晚睇咗呢套「六弄咖啡館」，有笑有淚嘅一套戲，好看，比80分，但小妹始終覺得「我的少女時代」好睇d，因為嗰套以女生角度嚟講嘅一套戲，而呢套呢，就以男生角度去看多d，所以我想男生可能會再有共鳴的，講一對小情侶，由高中到各自入唔同嘅大學，兩口子由純真去到講將來，女嘅發現同男嘅思想開始有差異，因而覺得對方原地踏步，沒有進步... 我想好多男生在返學年代，都有過呢d咁嘅經歷，所以應該睇時都幾感動，有少少身同感受嘅效果，不過有少少估唔到個結局原來係咁感動的！ 但2個男主角在一起時，好多時又好好笑喎，所以呢套戲真係有笑有淚！ #六弄咖啡館 #電影 #台灣電影 #青春片 #有笑有淚電影 #感動 #電影看後感 #cherrypolaw小些牙 #hkblogger #blogger #hk #movie