27 Feb
CherryPolaw小廚房呈獻：是晚韓之夜，人蔘雞 + 韓式炒粉絲，今晚味道整得唔錯，兩支韓國新鮮人蔘都好出味，雞在 759 阿信屋買，hk34.9，都幾好肉，又清曬d內臟頸同頭，唔駛自己做餐死！只要加埋糯米、紅棗同粟子，釀內雞內，煲一小時就攪掂！ 韓式粉絲亦超易整，15分鐘內完成！ 另飯後果係今天在 吉之島 買咗新品，西班牙士多啤梨$99 / 1kg，包得好靚，仲要好多粒，我數過我呢一盒有35粒咁多，雖然佢嘅甜度同香度韓國同日本士多啤梨咁濃，但比起美國的為好食和甜！唔錯！ #自家煮 #晚餐 #cook #dinner #cherrypolaw小廚房呈獻 #cherrypolaw小廚房 #cherrypolawsharing #cherrypolaw小些牙 #hkfoodie #hkfood #food #hk #hkig
15 Feb
琴日係情人節，適時哈子餅收夜，所以我倆冇出街晚飯庆祝，小妹選擇在家煮，又不用同人逼，又唔駛只係可以揀ABCD餐。 CherryPolaw小廚房2/14情人節晚餐呈獻： ~ 柚子汁沙律菜 ~ 是日空運生蠔 ~ 香煎露筍牛柳粒 ~ 大蝦煙肉露筍炒飯 ~ 軟心朱古力磚 輕輕鬆鬆在家中渡過咗一個充實的情人節！ #情人節自家煮 #情人節晚餐 #晚餐 #dinner #homemadedinner #自家煮 #吃貨 #相機食先 #CherryPolaw小廚房 #CherryPolawsharing #CherryPolaw小些牙 #飲飲食食 #hkfoodie #hkfood #food
06 Jan
上星期去咗荃灣呢間 Baba's Station 巴巴站，先知原來咖喱除咗平時食開嘅紅、黃、綠、白咖喱外，仲有其他顏色嘅咖喱，嗰晚我同哈子餅就叫咗一個白咖喱雞同黑咖喱牛，初初以為點樣白或者點樣黑呢？ 原來所謂的黑白咖喱，只係用個底唔同，同顏色上有深淺之分，咁當然仲有辣同唔辣啦，照顧不同需要！ - 白咖喱用甜腰果嚟做底，所以係完全唔辣嘅，帶甜的，唔食得辣嘅人可以揀呢個，而當中的雞肉亦好滑溜入味！ - 黑咖喱用扁豆嚟做底，係辣的，小辣好惹味！牛係腩位同有少少牛筯，好林好入味！食完唔會一口渣！ 如果2款揀，我較喜歡黑咖喱，因為d渣多d，有口感，伴飯或餅食超正呢！ 另外係度叫餐，可以揀細size少少嘅咖喱，再轉做餐，有多個飯、沙律同油餅跟，其實咁樣跟係抵食好多的，個油餅超正，伴咖喱吃一流哦！ 我們叫了一個冇跟餐的咖喱再點了一客蒜味烤餅，烤餅都唔錯，但有少少蔥油餅feel😜，整體嚟講幾好味，但嫌地方太淺窄，會座得好逼，不過冇計，間舖係咁少，所以只可以揀幫襯或者唔幫襯，但小妹會選前者囉，因為食物出色，價錢又可以！ #babasstation #巴巴站 #荃灣揾食 #咖喱 #curry #dinner #晚餐 #吃貨 #相機先食 #hkblogger #blogger #hk #hkig #hkfood #food #hkfoodie #foodie
22 Dec
琴晚做冬，娘家同哈子餅家，已經提早做咗，咁公司又放早咗一小時，又走咗落深水埗逛吓，食吓嘢咁。 原本諗住食米線，但因為冬，所以冇開，咁見呢間 Rice Love 飯意主題餐廳 平時排曬長龍，今日又冇人排，咁咪試吓囉，原來係食西餐+韓國fushion菜，價錢唔貴，咁就叫咗幾樣推介： 1. 燒菠蘿牛漢堡配烤餅 ~ hkd52.00，漢堡側邊煎得比較乾，好彩中間唔係乾的，唔覺有太多肉汁，而薯格及烤餅上菜時，已是室温的，一點暖的感覺也沒有，要扣分呢！呢道菜成個其實都好痳痳，可以不叫！ 2. 酥皮海皇忌廉湯 ~ hkd28.00，好足料，真係有海鮮，個酥皮整得好食！夠曬脆同香口！湯的味道亦啱啱好，不會覺得太膩，個湯好味！ 3. 招牌特級西冷鐵板飯 ~ hkd56.00，再加hkd20.00有一客蒜蓉包+ 沙律 + 飲品，西冷牛扒都幾大塊，佢話足10安士的，林得嚟唔會話比D鬆肉粉"頁"到D肉味死曬，林得嚟仲有少少口感！算好食！ 埋單唔駛加一，total hkd156.00，有時間限制，每枱只可有90分鐘。 食飽飽後，只能講較為抵食，但食物味道就一般，只能當快餐食，不能用美食來講，有D唔明，咁普通嘅食物質素，點解要大排長龍食呢？！ #ricelove #RiceLove飯意主題餐廳 #深水埗揾食 #飲飲食食 #相機食先 #晚餐 #hkblogger #foodie #hkfood #blogger #hkfoodblogger
13 Oct
其實琴日係小妹嘅牛一，講明特別日子，可以放肆點，老公話食西餐，同埋近近哋，不如試吓 Stella's bar & restaurant，咁我們兩人就叫咗兩個set dinner，先送上餐前幾款麫包，麫包好食喎，微熱又軟熟！appetizer我哋揀咗：松露薯仔乾鮮薊沙律和意式三魚薄片，兩款都唔錯，個薯仔沙律有輕微的松露味，平時唔太食三文魚籽的我，都覺得ok，唔腥！但略嫌小咗d！ 而main courses我們就揀了是日精選鮮魚同慢煮牛腹肉，先講嗰個魚先，其實我都唔太知係咩嘢魚，但佢整得好香脆，魚肉亦好滑，中間嗰汁同D藜麥飯，夾到呢！勁好味！之後再試埋個慢煮牛腹肉，少食肉的我，都覺得呢個超正，又腍又入味！個薯蓉亦好味同好滑身！ 我們私下叫了兩杯house wine(一紅一白)，再加埋兩杯餐飲，連埋加一埋單hkd601，其實食物質素真係好好，我覺得每一樣嘢都好好食！但個人感覺只係覺得每樣食物嘅份量都較小，同環境比較嘈吵，唔太適合兩個人想靜靜哋食餐飯或者把酒談心嘅地方，一搭出咗門口後，即時覺得耳根清靜了很多！ #StellasBarnrestaurant #Stellas #bar #restaurant #荃灣 #吃貨 #生日飯 #生日 #birthdaydinner #西餐 #食好西 #慢煮 #晚餐 #TsuenWan #荃灣揾食 #餐廳 #CherryPolaw小些牙 #hkfood #food #hk
08 Oct
一個人的晚餐，main dishes：准山杞子茨實蓮子百合雪蓮子桃膠果皮薏米蕃薯粥，因有不同的食材，所以可以健脾滋補去濕，大家知道嗎？脾臟其實我哋好緊要㗎，有一個好嘅脾臟臉色都好d，冇咁易變黃臉婆㗎！咁當然仲有其他好處啦！ Dessert：自家制藍莓士多啤梨香蕉smoothies，超易整，將所有食材擲曬落豆漿機加少少水，就攪掂，唔駛加糖㗎，因為已經夠曬味，好味又飽肚，大滿足！ #一個人的晚餐 #homealone #自家制健脾去濕滋補晚餐 #健脾去濕 #自家制smoothies #藍莓士多啤梨香蕉果汁 #smoothies #fruits #生果 #准山 #杞子 #茨實 #蓮子 #百合 #雪蓮子 #桃膠 #果皮 #薏米 #蕃薯 #粥 #cherrypolaw小廚房 #cherrypolaw小些牙 #food
