12 Jun
前幾日又去咗 樓上 買番d乾貨，見到呢包健康食品，見幾得意，又唔貴，我印象中，會員價，好似3X左右，就買咗包返去試，我發現每間樓上賣的貨品，都有點不同的，我係上環嗰間，唔見有呢隻嘢賣，但去到香港仔嗰間，又有喎！真奇怪！ 我見佢d成份，其實都幾健康，只有昆布、豆腐乾、乾蔥粒同埋一d舞茸，仲要冇用其他油啊、增味劑整過，咁我琴晚滾咗湯，就加d入去d湯度，個味又幾鮮喎！其實佢加咗入d湯度後，係有少少喊味的，所以連鹽都慳番！ 我晏晝食快熟米粉時(我係唔落嗰包味粉的)，都落咗少少落d水度，食時，d湯都有少少味，唔會只得滾水味，好味道，連d湯都飲埋！ #樓上 #昆布 #健康食品 #cherrypolaw小些牙 #cherrypolawsharing #food #hkfood #hkfoodie #日本食品
