20 Jun

呢排落雨落到人都悶曬，星期日都係，咁啱哈子餅又放假，但下雨又冇咩好做，又好似好耐冇去過戲院睇戲咁，唯有揾番場最近時間的戲睇吓啦，就係 Tom Cruise 主演新版 The Mummy 啦！ 原來呢套同舊嗰套，完全冇關係的！呢套係講現代的。 套戲都幾緊張，有d地方又帶點好笑，d乾屍都幾核突，好神似！冇咩悶場，好快已經覺得：吓，做完啦？我比80分，靚佬湯嘅戲係有保証！應該仲有續集的！ #TheMummy #盜墓迷城 #TomCruise #靚佬湯 #湯告魯斯 #電影 #影評 #電影觀後感 #cherrypolawsharing #cherrypolaw小些牙 #movie

10 Jan

好耐冇睇過戲啦，前幾天揀咗呢套 < Passengers 太空潛航者 >嚟睇，又幾好睇喎！我比80分，上網睇話唔好當咩嘢戲睇，只當愛情片看係好睇的，我又唔覺話完全當係愛情片咁睇喎，雖然係佔居多，但套戲都有另外吸引嘅一面的！ 其實全套戲只有4丁人，仲要有一個出得好小，由男主角醒咗，到佢自己生活咗一年，不甘寂寞到想尋死，再無意中比佢見到女主角，再掙扎整唔整醒佢陪自己，之後當然最終整醒咗，大家再點樣fall in love，到fall in love咗後，再比女主角無意中知道咗原來整醍自己嘅人係自己最愛時，嗰種極度厭惡，再遇上危機，個男主角再點樣拯救番全船人嘅生命，因而差D死埋，最後當然係happy ending啦！但都幾好睇，一D都唔覺得悶喎！ 外國女星當中，小妹真係好鐘意 Jennifer Lawrence，佢真係好有型！做咩角色都好神似！好勁！ 有愛的劇情，但又有緊張的！唔怪得上咗個幾兩個星期，嗰日仲咁多人睇啦！ #passengers #太空潛航者 #jenniferlawrence #movie #電影 #觀後感 #影評 #hkblogger #blogger #hk #cherrypolawsharing #cherrypolaw小些牙

14 Oct

琴晚去咗睇呢套< 謊言西西里 / never said goodbye>，呢套戲，我只比50分，如果唔係四皇子-李準基，我直程會比唔及格，悶戲一場，故事老土，成套戲冇高低起伏，有幾場佢係想拍有感人場面嘅，但絶對唔令人覺得感動，只能夠講，迎合唔到香港口味，可能強國人睇，會感覺好睇一點吧，有時周冬雨講嗰D大陸術語，我又唔太明佢講咩。 題外話，不過原來我哋香港嘅演員~張松枝，除咗D人覺得佢有幾分似宋仲基之外，原來另一個，佢都幾似李準基的！哈哈！ #movie #電影 #電影看後感 #影評 #neversaidgoodbye #謊言西西里 #李準基 #周冬雨 #CherryPolaw小些牙 #hkmovie #hk

29 Sep

琴晚去咗睇 The Purge: Election Year <國定殺戮日：大選狂屠>，其實小妹初初冇咩興趣睇呢套戲，因為血腥唔係我杯茶，點知睇落又幾緊張喎！緊張係要救嗰個參議員，其他血腥我就一般啦！所以我會比75分啦，不過哈子餅就話一般，可能男人除咗想睇血腥外，都想睇少少女色，應該會更吸引嘅！係有幾條女露事業線嘅，不過樣衰兼格衰呢，只想佢快d死咋！整體對我嚟講，都覺得幾緊張驚嚇！ #國定殺戮日大選狂屠 #ThePurgeElectionYear #電影看後感 #影評 #CherryPolaw小些牙 #電影 #movie #血腥暴力影片