相信唔少女生喺聖誕之前一定會大量入手好多新衫～但大家唔好忘記指甲都要著新衫過聖誕㗎！今次就同大家分享超過20款美甲設計喇！

聖誕糖果款式－聖誕士的糖充份表現咗聖誕氣氛，但又唔會太直接，成個感覺充滿歡樂感，仲有啲甜絲絲嘅感覺添！

聖誕鹿款式－一到冬天，無論冷衫定佈置都一定有聖誕鹿！將聖誕鹿畫喺指甲上面，夠晒可愛呀～

格仔款式－成熟啲嘅女孩子可以畫上格仔，望上去有心思之餘又唔會太誇張，一樣咁應節！

燈飾款式－將燈飾嘅概念放喺指甲上面，色彩繽紛，見到就知道聖誕節就快到喇！

雪人款式－相信呢個係最多女生鐘意嘅款式，因為真係好可愛～如果畫晒成個雪人就可能有啲老土，但放大咗嘅雪人好有肥嘟嘟嘅感覺，好得意呀～

禮物盒款式－聖誕節其中一樣最重要嘅活動當然係拆禮物喇！將禮物盒嘅概念放喺指甲上面，一樣好好睇～

粉藍色雪花款式－唯一雪花會出現嘅時間，當然要把握機會將雪花成為設計一次喇！粉藍色嘅設計就好似直接望住落雪嘅景色咁，好浪漫！

粉紅色雪花款式－甜美系女生可以選擇呢個色系，唔單止好夢幻，亦好有少女感覺～

真實版雪花款式－深藍色配搭雪花，絕對表現到聖誕節嘅天氣，超有冬天嘅感覺！加埋閃粉，立即讓造型感大大提升～

象徵性款式－畫得太實體就會變老土！反而畫上聖誕樹同聖誕老人嘅details就會覺得你嘅打扮充滿細節，絕對係完美示範！

聖誕顏色款式－唔一定要畫聖誕圖案看應節㗎～反而pick幾個聖誕顏色，加上簡單款式，一樣可以好應節，仲好有女人味添～

Photo：Pinterest
Text : Celeste