今晚極想拒絕落街夜跑，因為真係濕濕立立，但最後同自己講如果今晚唔跑就嘥埋上周四晚跑步💀於是炸炸林落街。 今次跑得比上次更慢，只係為左畀自己流汗，但我跑耐左。 其實運動之於好多人，尤其係好在意他人眼光嘅人，除左係同懶惰嘅拔河外，仲有嗰種面對自己嘅勇氣。 身邊嘅人跑得快，自己因為在意他人嘅目光就不自覺地加快腳步，結果本來跑到30分鐘，唔夠20分鐘就同跑道Say Goodbye。 對於運動白痴嘅我嚟講，我比好多人跑得慢、游得慢，由一開始會在意其他人點睇，到後來拒絕其他人同行，再到後來可以約埋其他朋友一齊運動，然後向人群中入面搵到自己節奏，其實係一個逐步接納自己嘅過程。 古語有云：欲速則不達，其實隱含好多大智慧；接受自己嘅不足同時，點樣搵到一個推動自己前進嘅節奏，其實需要好多跌碰沈澱。 接受自己軟弱，比起爭取勝利同速度，其實更難學懂。 肥肥減減肥肥減減，轉眼竟從運動中悟出人生，都幾得意。 減肥都係要搵incentive，為左滿足咁喜歡寫嘢嘅自己，繼續運動下去，就可以繼續寫運動哲學啦！ 加油❤️ #偽文青 #健康 #減肥

3 kisses on this post