汽車主題餐廳？！FIAT大廚推介！
見男友近排咁迷車，就索性帶佢去對住啲車食飯！XDDD 其實FIAT 之前喺銅鑼灣，都有好多車喺度。依家轉咗店舖，搬咗去尖沙咀美麗華，咁就去試吓菜！！
周圍有好多同FIAT車相關的擺設！
當然，少不了有靚車喺度！！
有酒飲，當然點一杯試吓！清清哋？其實酒味好鬼濃！！
Antipasto 辣肉腸。沙樂美腸。巴馬腿拼盤 $138
先嚟，是個西式肉腸類拼盤。一盤有著三款肉類，鹹濃度及口感不一，一盤滿足晒大家要求！
這個頭盤是FIAT的特色嘢。會用上香橙等夏日生果，加上沙律及風腿所造成。會相對比較Fresh一點。
Sesame Crusted Tuna Chunks 香煎芝吞拿魚卷配番茄芒果莎莎 $108
呢個冷盤好特別！用上夏日生果，如芒果蕃茄等去做個莎莎醬。令個香煎吞拿魚可以更Fresh一點！夏日感更重！吞拿魚外層沾滿了香脆的黑白芝麻，增加香口口感！！
Lobster Bisque 龍蝦濃湯（上）/ Wild Mushroom Soup 蘑菇濃湯（下）
龍蝦濃湯，真的味道十分濃郁，當然會比一般忌廉湯鹹一點。但若喜歡龍蝦的濃香感，就要試這一碗。其實一碗都幾大碗，兩個share都可以。
蘑菇濃湯，相對龍蝦來說會淡少少。喜歡這裡的蘑菇湯，食得出有粒粒的蘑菇溶。如果蘑菇粒再大啲就更有咬口。加了點松露油，令個湯更香了！！
N2 Mussels in Garlic White Wine Sauce 蒜茸白酒煮藍青口 $168
白酒煮藍青口一向是我喜歡食的餸之一。喜歡有著濃香的白酒味！這個汁，也做得不錯。只是略嫌個青口細了一點。如果改用大隻啲嘅品種就更加好了！！
Sicilian Pizza 西西里薄餅 $168
Pizza 嚟講，呢一個價錢都算抵食。份量都幾足！四人食好飽吓！濃郁芝士之餘，最緊要係個蕃茄醬以及辣肉腸！簡簡單單，手工Pizza做到薄脆咁款就好好食！！
Grilled US Cab Rib Eye 烤肉美國肉眼牛扒 $218
這個牛扒，絕對要食！很juicy！而且肉汁鎖得很好！不會有血水出現。半熟的牛扒，滑溜而且牛味濃郁！
即時溶了的牛油及黑松露醬，令牛扒的香氣更為生色不少！！
Pesce Misto Alla Griglia 快意特式海鮮拼盤 $288
一大盤的海鮮拼盤，入面的料也不少！有大大隻的虎蝦兩隻！又有帶子、魚肉、三文魚、魷魚等等！調味簡單，但也夠美味了！
Grilled Cod Fish Filet 烤銀鱈魚 $218
這個銀鱈魚也是必點之一。魚扒大大塊就不在話下，調味清清哋，烤得不會過份。在著微烤的香氣。
最喜歡是魚肉夠滑溜！肉質嫩滑之餘，還有juicy感！~~
這個Apple Crumble甜品，賣相夠吸引。如果上碟時，可以令金寶更熱一點就更好味！雪糕夠滑，混合食，更吸引！！
呢個Tiramisu可說是很抵食了！勁大大大的一碗！而且芝士香滑，是軟身的那款Tiramisu~~ 男朋友不太食甜品都自己一個KO了這一款。意料之外呢~~
如果想去試吓呢間餐廳，可以參考以下資料：
FIAT Caffe
尖沙咀彌敦道132號美麗華商場B1樓B1018及B1023號舖
請Like 我的Fans Page，可以有更多互動有趣的分享哦~~
http://www.facebook.com/Staice.Liu.Paradise.Garden 立即下載Miss Tiara手機程式，一齊分享快樂！
App Store:
http://bit.ly/mt_webi Google Play:
http://bit.ly/mt_weba
